Апасиев: Ако се спасени принципите – сè е спасено!

Пратеникот и претседателот на Левица – Димитар Апасиев се огласи на својот фејсбук-профил за средствата на партијата во Еуростандард Банка.


„ОНОЈ КОЈ СЕ ПЛАШИ ВО ОВОЈ МОМЕНТ Е ВИНОВЕН, ОТИ НЕВИНОСТА НИКОГАШ НЕ СЕ СТРЕСУВА ПРЕД ОЧИТЕ НА ЈАВНАТА БУДНОСТ

Гледам восклик од ситечка злорадост кај нашите политички непријатели, за блокираната голема сума ПАРИ на Левица во пропаднатата Еуростандард банка. И не им фаќам за зло. Тоа се таков калибар ситнобуржујски луѓе кои мислат дека парите се сè во животот. И затоа имам огромна жал за нив.

А НИЕ…
Ние сме учени без пари. Онака, баш герилски и партизански. Во тоа, всушност, лежи нашата сила!
Уште пред повеќе од една деценија, почнавме буквално од нула да градиме автентично политичко движење, кое сега расцутува како чиста совест на нацијата. Нас никогаш не ни е страв, пак од нула да почнеме! Во тоа е нашата величина.
Оти сме троскот. Не можете нас да нè искорнете! Во тоа е нашата незгодност.
Ние сме тие лоши, ЦРНИ, малечки гадови! Проклет да бидам, таква ни е ѕвездата. Кај и да одиме, се бориме со милион интриги. Нè ловат како некои ѕвериња. Ама па и ние, проклет да бидам, и ние не се даваме! Чуден некој сој сме.

Еве, во канцеларијата на Президиумот, уште си ја чуваме прочуената тегла за ДОНАЦИИ на „Ленка“. Како наша реликвија, за која нè врзуваат убави спомени од младоста. Да нè потсеќа секогаш на нашите почетоци, кога во Градскиот парк, на секој состанок собиравме активистички прилози за потребните реквизити. Никогаш не ја фрливме, оти не знаеш животот шо носи.

Затоа, до сите наши стари и нови членови, симпатизери и сограѓани – имам само една порака: Не паѓајте во духот! Парите се битни, но не се најбитни. Лавината наречена Левица веќе е невозможно да биде запрена. Семето на Отпорот е посеано на плодна почва и на здрава основа. Раководството е консолидирано и има план за АКЦИЈА.

Веќе во март-април следната година, врз основа на одличниот изборен резултат, ќе добиеме рекордна сума која ни следува од државното финансирање. А дотогаш? Дотогаш ќе водиме правна битка за поврат на заробените средства и легислативна битка за радикална РЕФОРМА на лихво-банкарскиот сектор. И ќе издржиме! Солидарно, здружно и машко-женски. 

Приемниот испит е положен, пред очиглед на народот.
Ние ги спасивме идеалите и принципите, со тоа што не се шитнавме.
А ако се спасени ПРИНЦИПИТЕ – сè е спасено!
Од длабочините на гнилежот ќе се издигне спасителната кауза – прочистена, свежа и неподмитлива. 

Да живее незапирливата Левица!
Да живее Република Македонија!

p.s. Се гледаме во Парламент.
p.p.s. Таљате, свикуј седница бе – ми се збори.”


ОНОЈ КОЈ СЕ ПЛАШИ ВО ОВОЈ МОМЕНТ Е ВИНОВЕН, ОТИ НЕВИНОСТА НИКОГАШ НЕ СЕ СТРЕСУВА ПРЕД ОЧИТЕ НА ЈАВНАТА БУДНОСТГледам…

Публикувахте от Димитар Апасиев в Сряда, 19 август 2020 г.