Шокантни наводи за гласачките ливчиња?

Го пренесуваме во целост фејсбук статусот на Димитар Апасиев, Претседател на Левица, во врска со шокантни наводи во врска со гласачките ливчиња. Апасиев воедно и ги замоли новинарите да ги проверат овие информации со Државната изборна комисија.

---

Од утрово кај мене во инбокс стигаат низа ШОКАНТНИ ИНФОРМАЦИИ од луѓе кои вчера биле во избирачки одбори, за кои не знам дали се вистина – а би ги замолил новинарите да ги проверат во Државна изборна комисија / Komisioni shtetëror i zgjedhjeve / SEC

Наводно, на гласачките ливчиња воопшто нема отпечатено сериски броеви (туку има само на кочанот), а ниту има скриени броеви видливи под УВ ламба – што, ако е така, е прв пат во нашата изборна историја!? Искрено се надевам дека ова не е вистина и ги молам службите на ДИК да ја потврдат или демантираат оваа информација – која е страшна сама по себе, бидејќи отвора не малечко патче, туку цел автопат за утрешни изборни манипулации и фалсификати. #ФерИзбори